Ítarefni í Nát 103

Frumframleiðendur sækja orku í sólarljósið, binda hana með hjálp blaðgrænu í lífræn efni eins og sykrur, fitu , prótín og kjarnsýrur.
Orkan berst svo bundin í sameindum þessara efna eftir fæðukeðjum til neytenda.
Engin lífvera kemst af án orku. Orkan flæðir í eina átt frá sólu í gegnum vistkerfið sem efnaorka milli lífvera vistkerfisins.
Ljóstillífun er ferli sem umbreytir sólarorku yfir í efnaorku. Lífverurnar losa orkuna úr lífrænu efnunum við öndun (efnaskipti öndunar-bruni).
Við öndun/bruna lífveranna tapast hluti orkunnar út í umhverfið á formi hita eða varmaorka sem nýtist lífverunum ekki aftur.
Orkan hefur því einstefnu í vistkerfinu, hún berst inn í vistkerfi í formi sólarorku og er umbreytt í efnaorku við ljóstillífun og losnar svo smátt og smátt út í umhverfið í formi varmaorku við öndun/bruna.