MND

Heitið MND er notað yfir nokkra skylda sjúkdóma sem hafa áhrif á hreyfitaugar í heila og mænu en í gegnum þessar hreyfitaugar berast rafboð frá heila til vöðva og mænu. Hreyfitaugarnar visna og deyja og það veldur máttleysi og rýrnun vöðva. MND hefur ekki áhrif á snerti-og lyktarskyn, sjón heyrn eða meltingarfæri. Hraði hrörnunar og áhrif sjúkdómsins eru mjög mismunandi milli manna. Til eru nokkrar tegundir af MND: Ef aðeins efri hreyfitaugungar eru skaddaðir er það kallað: Ágeng hreyfitaugahrörnun. Ef aðeins neðri hreyfitaugungar eru skaddaðir er talað um: Vaxandi vöðvarýrnun. En ef bæði efri og neðri taugungar eru skemmdir er sjúkdómurinn kallaður: ALS eða amyotrophic lateral sclerosis, eða blönduð hreyfitaugungahrörnun, sem er algengasta form sjúkdómsins hjá fullorðnum.